የአሜሪካ ተመራጩ ፕሬዚዳንት ትራምፕ በቅስቀሳ ወቅት ያሉትን ያደርጉ ይሆን?


...

የአሜሪካ ተመራጩ ፕሬዚዳንት ትራምፕ በቅስቀሳ ወቅት ያሉትን ያደርጉ ይሆን?

ትናንት በአሜሪካ በተደረገ ፕሬዚዳንታዊ ምርጫ ሪፐብሊካኑን የወከሉት ዶናልድ ትራምፕ አሸንፈዋል።

እኝህ ተመራጭ ፕሬዚዳንት በምርጫ ቅስቀሳ ወቅት አደርጋቸዋለሁ ያሏቸው በርካታ አወዛጋቢ ነገሮች ነበሩ።

ቢቢሲ ተመራጩ ፕሬዚዳንት ቃላቸውን ጠብቀው አደርጋቸዋለሁ ያሏቸውን ካደረጉ ዓለም ላይ ተፅእኖን የሚፈጥሩ ናቸው ያላቸውን አምስት ጉዳዮች ዘርዝሯል።

ነፃ የንግድ ቀጠና

ዶናልድ ትራምፕ እከተለዋለሁ ያሉትን የንግድ ፖሊሲ በእርግጥም ከተገበሩ ዩናይትድ ስቴትስ ከዚህ ዓለም ጋር የምታደርገውን የንግድ ልውውጥ በእጅጉን ይለወጣል።

ሰውየው በቅስቀሳቸው ወቅት አሜሪካ የፈረመቻቸውን የተለያዩ ነፃ የንግድ ስምምነቶችን ለመሰረዝ ዝተዋል። በአሜሪካ፣ ካናዳ እና ሜክሲኮ መካከል የተፈረመው የሰሜን አሜሪካ ነፃ የንግድ ስምምነትም ከሚተቹት መካከል ይጠቀሳል።

እንደዚሁም ከዓለም ንግድ ድርጅት አባልነት ሃገራቸውን እንደሚያስወጡ ተናግረዋል።

ከቻይና በሚገቡ ሸቀጦች ላይ የ45 በመቶ እና ከሜክሲኮ በሚመጡ ሸቀጦች ላይ ደግሞ 35 በመቶ ቀረጥ እጥላለሁም ብለዋል።

የዓየር ንብረት ለውጥ

ተመራጭ ፕሬዚዳንት ትራምፕ ስመረጥ ፓሪስ ላይ የዓለም ሃገራት ተሰብስበው ከረዥም ድርድር በኋላ የወለዱትን የፓሪስ የዓየር ንብረት ለውጥ ስምምነት እንደሚሰርዙ ዝተዋል።

ዋነኛ የከባቢ ዓየር በካይ የሆነች ሃገር ፕሬዚዳንት ሆነው የተመረጡት ትራምፕ ይህን ካደረጉ ለፓሪሱ የዓየር ንብረት ለውጥ የከፋ ጉዳት ይሆናል።

ዩናይትድ ስቴትስ ለመንግስታቱ ድርጅት የዓየር ንብረት ለውጥ ፕሮግራሞች የምታወጣውንም ወጪ እንደሚያቋርጡ ተናግረዋል።

ድንበር እዘጋለሁ

ዶናልድ ትራምፕ ቢመረጡ አሜሪካ ከሜክሲኮ ጋር የምትዋሰንበትን ድንበር በማሳጠር የሰዎች ፍልሰትን እንደሚያስቆሙ ተናግረዋል።

የአጥር ግንባታ ወጪውንም ሜክሲኮ ራሷ እንድትሸፍን አደርጋለሁም ብለዋል።

በተጨማሪም ወደኋላ ቢለሳለሱም 11 ሚሊየን ሰነድ አልባ ስደተኞችን ከሃገር እንደሚያባርሩ፣ ሙስሊዎች ፈፅሞ ወደ አሜሪካ እንዳይገቡ አደርጋለሁም ብለው ነበር።

ኔቶ

ያለምንም ክፍያ ዩናይትድ ስቴትስ ለሌሎች ሃገራት ጥበቃ አትሰጥም የሚል አቋም ያላቸው ትራምፕ፥ በአውሮፓ እና እስያ የሚገኙ ሃገራት ለዩናትድ ስቴትስ በቂ ክፍያን እስካልፈፀሙ ድረስ ጥበቃ አታደርግም ይላሉ።

እንዲሁም ከሰሜን አትላንቲክ ጦር ቃል ኪዳን ድርጅት/ኔቶ/ አባልነት ዋሽንግተንን ሊያስወጡ እንደሚችሉ ነው ተናግረው የነበረው።

ሩሲያ

ተመራጩ ፕሬዚዳንት ትራምፕ ከሩሲያ ፕሬዚዳንት ቭላድሚር ፑቲን ጋር ሃገራቸው ያላትን የሻከረ ግንኙነት ሊያለሰልሱ እንደሚችሉ እምነታቸውን ገልፀዋል።

ፑቲንን ጠንካራ መሪ የሚሉት ትራምፕ ከእርሳቸው ጋር ጥሩ ግንኙነት ቢኖራቸው እንደሚወዱ ነው በቅስቀሳቸው ወቅት የተናገሩት።


Article read: 2648

On 11-09-2016

By Kidus Michael


Related articles on the web



FOLLOW US ON THE NET
-----WEATHER WIDGET ----

Most Popular

...

Ethiopian man faulty fridge started the London apartment fire

The man ‘whose faulty fridge started tower inferno’: Neighbour reveals how Ethiopian taxi driver raised...